Функцийн График

Функцийн график нь бидэнд функцийг толгойндоо дvрсэлж, бодлого бодох, теорем батлах, ер нь тухайн функцийг "ямаршуухан" функц болохыг харах зэрэгт тус болдог. Мэдээж бид функцийг хэзээ ч яг нарийн зурж чадахгvй - шугам, цэг хоёрт урт л байна уу гэхээс биш єргєн байхгvй.

Бид дээр функцийг хос тоонууд (x, f(x)) - н цуглуулга гэж тодорхойлсон. Бид х - г зvvнээс баруун тийш нь хавтгай шулуун дээр, f(х) буюу у - г доороос нь дээш нь босоо шулуун дээр тус тусд нь байрлуулдаг.

х - г тэмдэглэдэг тэнхлэгийг абцисс, f(x) - г тэмдэглэдэг тэнхлэгийг ординат гэж нэрлэнэ. Энд би зvгээр л хэдэн функцийн графикуудийг тавилаа. Харин яаж функцийн графикийг зурахийг дифференцчлах аргыг (уламжлал г.м...) vзсэнийхээ дараа тайлбарлана.

Шугаман функцууд

Шугаман функцууд у = mx + b хэлбэртэй байгааг анхаарна уу. f(0) = b байна. Тийм учраас тухайн функц нь у тэнхлэгтэй b дээр огтолцдог.

"m" тоог шугаман функцvvдэд функцийн хазайлт гэж нэрлэх ба, m нь функцийн "чиглэлийг" тодорхойлдог (Єсєж байна уу? Буурж байна уу?). Хараажаар m < 0 байхад функц нь буурж (х ихсэх тусам у багасана), m > 0 байхад функц нь єсєж (х ихсэн тусам у ихсэнэ) байна. Хэрэв m = 0 бол бид налуу функцтэй болно. Жишээ нь:

Параболанууд

Параболанууд нь тэгш функцvvдийн хялбархан жишээ болно. Тэгш функцууд ординатын хувьд тэгш хэмтэй байгааг анхаарна уу. Учир нь (-а)ⁿ = (а)ⁿ тэнцэтгэл n - ийг тэгш тоо байхад биелэж байна. Мэдээж коффицент нь хасах тоо байхад функцийн график нь абциссийн - доор орж харагдана:

Сондгой функцуудийн хялбар жишээнvvд

(а)ⁿ = -(-a)ⁿ тэнцэтгэл n - ийг сондгой тоо байхад биелэх учир сондгой функцvvдийн график нь кординатын эхийн хувьд тэгш хэмтэй байна. (Яагаад? гэдгийг тунгаан бодоорой.)

Мэдээж бид зєвхєн хамгийн хялбар гэгддэг функцvvдийг л авч vзлээ. Рационал, логрифм, тригнометр г.м - ийн функцvvдийг дараа дэлгэрэнгvй авч vзэх болно.

<--Функц | Хичээлvvд | Функцийн Хязгаар -->

Энэ хичээлийн талаарх санал бодлоо болон хэрвээ энд ямар нэгэн алдаа байвал энд бичиж явуулна уу?